Миллет гвардияны келечилери донорлукъ этедиле

РФ-ни Миллет гвардиясыны КъМР-де Управлениясында Россейде кеси ыразылыкълары бла донор къан бериу ишни айнытыу программаны чегинде акция къуралгъанды. Эрттенликден башлап Управленияны тийресинде Лермонтов шахарда  Шимал-Кавказ федерал илму-клиника араны 101-чи номерли клиника больницасыны  къан алыу кёчюрюлген  станциясы ишлеп башлагъанды.

Кеслери ыразылыкълары бла къан бергенле  анкеталаны толтургъандыла, врачланы тинтиулеринден ётгендиле. Медикле донорлада резусну, къанны группасын, гемоглобинни ёлчемин ачыкълап, жумушларын алай бардыргъандыла.

Бир ненча сагъатха алтмыш росгвардиячы Шимал-Кавказ регионну  медицина махкемелерине деп къан бергендиле. Акцияда энчи юлгюню  РФ-ни Миллет гвардиясыны КъМР-де Управлениясыны таматасыны орунбасары  подполковник Алексей Трушин кёргюзтгенди. «Миллет гвардияны службасы жамауатха болушлукъ этерге хазырды.  Бек азындан элли офицер бла солдат терк-терк къан бергенлей турадыла. Аланы араларында сынамлы донорла, жангы адамла да бардыла. Бу кеси ыразылыгъына кёре акцияды эмда мен росгвардиячыланы башламчылыкъларына бек ыразыма», - дегенди ол. 

Тышына чыгъаргъа онгу болгъан бригаданы врач-трансфузиологу Татьяна Тенищева Миллет гвардия бла бирге жумуш бардыргъанны магъаналыгъа санайды. «Жаш адамланы  аскерде къуллукъ этерге сайлагъанда, аланы саулукъларын тынгылы тинтедиле, ол а асламысында  жыйылгъан къанны бийик качестволугъун жалчытады», - дегенди ол.

Бюгюнлюкде РФ-ни Миллет гвардиясыны КъМР-де Управлениясында беш сыйлы донор бла терк-терк къан бере туруучу жыйырма келечи ишлейдиле.

РФ-ни Миллет гвардиясыны КъМР-де Управлениясыны пресс-службасы.
Поделиться: