Онлайн-кассаланы энди кимле хайырланыргъа борчлудула? Белгилисича, быйыл 1 июльдан башлап, предпринимательство бла кюрешгенлени талай категориялары онлайн-кассаланы хайырланып тебирерге борчлу болгъандыла. Федерал налог службаны Къабарты-Малкъарда бёлюмюнде айтханларына кёре, ол къауумгъа ма была киредиле:
• сатыу-алыуну вендинговый автоматла бла бардыргъан, кеслери да ишчиле тутмай алай къармашхан энчи предпринимательле;
• розница сатыу-алыу бла кюрешген, ишчиле тутмай алай къармашхан, кеслери да бизнеслерин бирикген налог (ЕНВД) тёлеп неда патент (ПСН) алып алай бардыргъан энчи предпринимательле;
• жамауатха аш-азыкъ хазырлау (ишчиле тутмай) бла кюрешген, налогларын да ОСН неда УСН системалагъа тийишлиликде тёлеген организацияла;
• бытовой, ветеринария, ремонт, аберилени иеликге болжаллы халда бериу жумушла бла кюрешген эмда стоянкаланы ишин бардыргъан организацияла неда энчи предпринимательле. Сёз мында бирикген налог (ЕНВД) тёлеучюлени, кеслери да ишчиле тутханланы юсюнден барады;
• патент алып, кеслери да ишчиле тутуп алай къармашхан энчи предпринимательле. Ол санда: парикмахер эмда косметика жумушла
жалчытыучула, машиналагъа, компьютерлеге неда башха техникагъа ремонт этиучюле, пассажирлени ташыу, аберлеини прокатха бериу, сют продукция чыгъарыу бла кюрешгенле эм башхала.
Аны бла бирге энди транспорт средствону ичинде, жолгъа билетни сатханда да хайырланып башларгъа керекдиле быллай онлайн-кассаланы. Алагъа къагъыт чек бере турмай, экранда QR-кодну кёргюзтюп къояргъа эркинлик бериледи.
Бу айны биринчисине дери аванс тёлеулени быллай кассасыз берирге неда къайтарыргъа бола эди, энди уа ол да жокъду.
Бюгюнлюкге саулай къыралда быллай 2,8 миллион онлайн-касса хайырланылады. Рынокда аланы 170 тюрлюсю барды.
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
| ||
