Тюкенчи роботну сынагъандыла

Россейни Илмула академиясыны КъМР-де Илму арасыны Информатика институтуну специалистлери ритейлер роботну къурагъандыла. Ол тюкенледе товар къалай тургъанына къарайды, аланы хар тюрлюсюн да жерине салады, керек болса, складдан ташыйды, деп билдиргендиле илму учреждениядан.

Бу кюнледе уа роботну Нальчикде уллу тюкенледен биринде («Караван») сынам халда ишлетип кёргендиле. Специалистле аны кезиуюнде жыйылгъан информацияны бу техниканы андан ары игилендириуде хайырланырыкъдыла. Алай  ишни эбине жетдирир ючюн  инвесторла   керек боллукъдула.  «Талай замандан робототехника болмагъанча  айнырыкъды. Анга кёре адамла да анга кёз къарамларын тюрлендирликдиле», - дейдиле Араны алимлери.

Омарланы Мурат.
Поделиться: