Газ быргъыны терк жамагъандыла

Бу кюнледе (24 июньда ингирде) «Газпром газораспределение Нальчик» компанияны дежурный диспетчерине Каменномостское элге баргъан газ быргъыны басымы азайгъанды деп информация келгенди. Жерине мычымай жетген бригаданы специалистлери быргъыны беш метр кесеги тешилип тургъанын кёргендиле. Аны бла олсагъат окъуна газны тыяргъа оноу этилгенди.

Ызы бла, тири къармашып, тешилген быргъыны кесип кетерип, орунуна жангысын орнатхандыла. Аны бла элде жашагъан жарым минг адамны юйлери 25 июньда кюндюз жангыдан кёк отлукъ бла жалчытылынып башлагъандыла, деп билдиргендиле компаниядан.