Жаш тёлюню алчы, жангычы оюмлары, башламчы ишлери тинтилликдиле

Шимал-Кавказда «Машук» жаш тёлю форум Россейде жаш тёлю форумладан эм уллусуду. 2019 жылда онунчу юбилей форумгъа Шимал-Кавказ федерал округдан, Россей Федерацияны бирси субъектлеринден эмда жууукъ тыш къыралладан 3000 жаш адам къатышырыкъды.

Проектни билим бериу программасы быйыл хар сменада энчи трекледе жашаугъа кийириледи. Аланы хар бирине къошулгъан адамла, целевой аудиториялары, стейкхолдерлери эм проблемалылыкълары бир бирине ушамайдыла. Билим бериу трекге 100-ден 250-ге дери инсан къатышыргъа болады, ала форум бардырылгъан кюнледе ишлегенлей турадыла. Трекни чеклеринде къатышханланы юч къаууму белгиленеди:

- иш бериучюлени  кейслери бла ишлеуге асламыракъ эс бёлюрге излегенле;

- жашауда бардырыла тургъан социал проектге асламыракъ эс бёлюрге излегенле;

- кеси кеслерин айнытыугъа бла кесини энчи онгларына асламыракъ эс бёлюрге излегенле.

Быйыл форум заман ёлчем бла алып айтханда, юч сменагъа бёлюнюрюкдю: биринчи смена – 9-16 август;  экинчи смена – 16-23 август; ючюнчю смена – 23-30 август.

Биринчи смена, «РФ-ни профессионаллары»

Сменаны битеулю темалары: карьера ёсюу, бизнес бла технологияла.

Бу сменагъа къатышханла иш бериучюле бла байламлы боллукъдула, отрасль кейслени тинтирикдиле. Программирование  бла IT- оноула жаны бла чемпионат, карьера сервислени иши, ол санда профессионал ассесмент.

Ишни ызы:

«Туризмни юсюнден» (энди башлай тургъан предпринимательле, турист продуктну чыгъарыучула, жаш гидле эмда проводникле, HoReCa  жаш ишчилери)

«Бизнесни юсюнден» (энди башлай тургъан предпринимательле, жаш тёлю бизнес-къауумла, жаш тёлю стартапла)

«Айныуну юсюнден» (тири жаш адамла, башламчы  къауумланы алчылары, чыгъармачылыкъ усталыкъланы келечилери)

«IT юсюнден» (студентле, IT усталыкъгъа юйрене тургъанла, IT-компанияланы жаш келечилери, IT-бёлюмню предпринимательлери)

«Технологияланы юсюнден» (жаш алимле эм къураучула, жангычы оюмланы иелери, рационализаторла, инженерле, жаш тёлю илму къауумланы алчылары).

Экинчи смена, «ПРОактив къауум»

Бу смена  социал проблемаланы тамамлаугъа бла  миллетле аралы байламлыкълагъа жораланады. Анга къатышханла  власть органла бла байламлыкъда боллукъдула, социал кейслени  тамамларыкъдыла.  Москва-Кавказ клубну миллетле аралы байламлыкълагъа аталгъан къысха метражлы фильмлени эришиую, чыгъармачылыкъ бла кюреширге сюйгенлени  «Бир дуния – минг аууаз» фестивалы.

«Медианы юсюнден» (жаш журналистле бла блогерле, студент эмда жаш тёлю медиа-араланы алчылары)

«Шуёхлукъну юсюнден» (чыгъармачылыкъ къауумла  бла маданият араланы башчылары, жаш тёлю бир жерлилени, этнический советлени алчылары)

«Тин хазнаны юсюнден» (чыгъармачылыкъ къауумла, излеу отрядла, келлик заманда культурологла, тарыхчыла боллукъла,  къол чыгъармачылыкъ бла кюрешген жаш устала)

«Огъурлулукъну юсюнден» (кеслери ыразылыкълары бла болушлукъ къурагъан эмда волонтёр арала, къауумла, корпусла, организацияла)

«Шахарланы юслеринден» (гитче шахарладан къауумла, жаш архитекторла бла урбанистле, шахар биригиулени алчылары, ТСЖ-ланы председательлери)

«Айныуну юсюнден» (тири жаш адамла, башламчы къауумланы алчылары, чыгъармачылыкъ усталыкъланы келечилери).

Ючюнчю смена, «Мен-алчыма!»

Сменаны битеулю темалары – СКФО-ну жаш тёлюсюню алчылыкъ къолайлыгъына багъа бичиу эмда аны ачыкълау. Сменагъа 1000-ден артыкъ уллу кёллю болмагъан жаш адамла, башчыла, жамауат, волонтёр, патриот организацияланы алчылары, «Россей – ахшы онгланы къыралы», «Россейни алчылары», «Мен профессионалма» деген ачыкъ платформаны чеклеринде оноучулукъ этиу жаны бла проектледе хорлагъанла, регион кадр проектледе  хорлагъанла, студент профсоюз биригиулени бла советлени алчылары, кеслери ыразылыкълары бла проектле бардыргъанланы келечилери, граждан алчыла бла блогерле къатышырыкъдыла.

Сменаладан бирине къошулургъа излегенлеге АИС Росмолодёжь порталда регистрация этип эмда https://myrosmol.ru/event/29166# ссылка бла ётюп заявка берирге тийишлиди. Эсигизде болсун: регистрация 2019 жылны 7 июлюна дери ачыкъды.