Солууну бузмаз ючюнЖай башланнганлай Россейден тышында солургъа кёпле атланадыла. Алай тыш къыралгъа чыгъарыкъ адам бек алгъа борчу болгъанын бла къалгъанын билирге керекди. Нек дегенде Сюд приставланы федерал службасыны Къабарты-Малкъарда управлениясы кредитлерин тёлемей тургъанланы къыралдан тышына иерге эркин этмеген бегимни къабыл кёргенди. Анга кёре борчлары 30 минг сомдан кёп неда сюдню оноууна кёре ол 10 минг сомдан аслам болгъанлагъа тыйгъыч салынады. Тёлеулени юсюнден Сюд приставланы сайтында онлайн низамда билир онг барды. Алай анда жаланда борчну ёлчеми эмда ишни бардыргъан приставны контактларын кёрюрге боллукъду. Тыш къыралгъа чыгъаргъа адам эркин болгъаныны бла къалгъаныны юсюнден билдириу а жокъду. Аны уа телефон бла сёлешип, хапар алыргъа керекди. Эрттеден бери сакълап тургъан солуу кезиуюгюзден къуру къалмаз ючюн, бизни энчи тизмебизге дайым да къарай турургъа керекди, деп эсгертедиле сюд приставла.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
