Майдалланы асламысы – республиканы спортчуларында

Ич ишлени борчларын толтура ёлген аскерчилерини хурметлерине аталып, Тырныауузда  каратеден тёрели турнир бардырылгъанды. Аны Элбрус районну физкультура эм спорт комитети бла ич ишлени жер-жерли бёлюмю къурагъандыла.

Эришиулеге бизни республикадан, Къалмыкъдан, Кърымдан бла Ставрополь крайдан жаш спортчула къатышхандыла. Майдалланы асламысын Нальчикни, Тырныауузну бла Тёбен Акъбашны спорт школларыны каратечилери къытхандыла. Хорлагъанлагъа бла призёрлагъа комитетни кубоклары, грамоталары бла майдаллары, ич ишлени район бёлюмюню саугъалары берилгендиле.

Суратда: сермешни кезиуюнде.