Жаш гёжефлени умутландыргъан хорламлары

Санкт-Петербургда «Шторм» стадионда грек-рим тутушуудан «Восходящие звёзды» деген аты бла эришиу бардырылгъанды. Анга Россейни регионларындан бла жууукъдагъы тыш къыралладан жаш гёжефле къатышхандыла.

Хар ауурлукъ къауумда аслам спортчу тутушханына къарамай, «Эльбрус» спорт школда жарау этгенле майдалла къытхандыла. Алай бла «алтынны» Джуртубайланы Альберт (62кг.) алгъанды. Ол Санкт-Петербургдан, Дагъыстандан бла Белоруссиядан, ахырында уа Ленинград областьдан спортчуланы хорлагъанды. 38 килограммгъа дери ауурлукъда «кюмюшню» Хутуйланы Таулан къытханды. 

Спортчуланы тренерле Боташланы Элдар, Гюлюйланы Солтан, Хаджиланы Ислам юйретедиле.

Суратда: биринчи жерде Джуртубайланы Альберт.