Ырхылагъа контроль селеймезча

Тырныауузда ырхылагъа кёз-къулакъ болгъан постха тынгылы жол ишленнгенди. Ол а 3100 метр бийикликде Герхожан бла Къая-Арты суула къошулгъан тийреде орналады.

Асламысында (керек болса) жазда хайырланылады кеси да. Андан МЧС-ни специалистлери эм Элбрус районну администрациясыны адамлары Къая-Арты чыранлагъа къарайдыла. Мониторинг Герхожан сууну огъары жанында бардырылады. Эсге сала айтсакъ, буруннгу жыл аны юсю бла бек уллу ырхы келген эди.

Алгъада бу постха жаланда жаяу жол элтиучю эди. Энди уа ол кенгертилгени бла ары машинала да бараллыкъдыла. Бу ишни Элбрусну жол управлениясыны ишчилери тамамлагъандыла.
 

 

Алиса Тарим, Элбрус районну жер-жерли администрациясыны пресс-службасыны башчысы.
Поделиться: