Роуминг кетерилгенди

Энди мобиль телефонлагъа  къыралны башха регионларындан келген звоноклагъа  ахча алынырыкъ тюйюлдю.  Аны юсюнден законнга тюрлениуле кийирилгендиле эм ол юсюбюздеги жылны июнь айындан ишлеп башлагъанды. Абонентледен ахчаны операторла жаланда ол тыш къыралда болгъан кезиуде алыргъа эркиндиле. Аллай бегимге РФ-ни Правительствосуну Председатели Дмитрий Медведев 27 майда къол салгъанды. 

Болсада бир-бир регион операторла – «Вайнах-Телеком», «Твои мобильные технологии», «СевМобайл» - ол тюрлениулеге артыкъ хазыр болалмагъандыла. Закон бла тийишлиликде алагъа келе тургъан жангы жорукъланы  юсюнден алгъадан бидирилген эди. Алай ала кеслерини абонентлерине 21 майгъа дери аны юсюнден билдириу этмегендиле. Сёз ючюн, Чеченни «Вайнах-Телеком» компаниясында ол жумушла нек тамамланмай къалгъанларыны юсюнден  ангылатыргъа берирге унамагъандыла. 

Sberbank CIB организацияны экспертлери айтханнга кёре, сетьни ичинде роуминг кетерилгени бла байламлы, операторланы ай сайын хар абонентден къоранчлары 9 сомгъа жете кетерикди. Бюгюнлюкде Россейде мобиль связьны битеу да 255,7 миллион адам хайырланады.