Жангы ГЭС-ни къурулушу барадыКъМР-ни Промышленность, энергетика эмда сатыу-алыу министерствосунда айтханларына кёре, Черек гитче ГЭС-ни къурулушун бардырыргъа хар неда хазырды. Аны бла специалистле объектлени сюеп башлагъандыла. Эсге сала айтсакъ, станцияны къурулушу былтыр ноябрьде башланнганды. Ол замандан бери алайда жолла ишленнгендиле, электрокюч тартылгъанды, башха жумушла да тамам этилгендиле. Ишчиле мекямланы мурдорларын жарашдырадыла, станцияны деривация каналы боллукъ жерде ётген газ быргъыны да башха жанына кёчюре турадыла. Айтханыбызча, бу станция Тёбен Черек къауумгъа кирип, анда Къашхатауда, Аушигерде эмда Зарагижде ГЭС-леге къошуллукъду. Ол ючюсюню кючю 155,7 МВт болады, жангы станция уа аны 23,4 МВт-гъа кёбейтирикди. Кеси да бир жылгъа 87 миллион киловатт-сагъат электрокюч берликди. Анда ишлерик турбиналаны бла генераторланы уа Россейде предприятияла чыгъарлыкъдыла – ала бла да келишимле этилгендиле. Объект хайырланыугъа 2024 жылны ахырында берилликди.
Поделиться:
Читать также:
05.03.2024 - 09:28 →
Инфляция азая барады
09.02.2024 - 11:24 →
Жашауну тутуругъу
08.02.2024 - 15:20 →
Предпринимательлени саны ёсгенди
09.01.2024 - 16:53 →
Казбек Коков жолланы халларына къарагъанды
10.12.2023 - 10:30 →
ДОКУМЕНТЛЕ
|