Алтаулан больницагъа жетдирилгендиле

Байрым кюн «Кавказ» федерал жолда тёрт машина къагъышхандыла. Аны кезиуюнде бир адам ёлгенди, алтаулан  а саулукъ сакълау учреждениялагъа жетдирилгендиле.

Алай бла Ставропольдан «ВАЗ-21053» машинаны водители Пятигорскдан Нальчикге келе, трассаны 428-чи километринде кесини жолундан чыгъып, «ГАЗ-330232», «ВАЗ-2114», «Мерседес-Вито» машинала бла къагъышханды. Жаш адам, алгъан жараладан кесине келалмай, алайда ауушханды.
Аварияны сылтаулары тинтиледиле.