Республикалы турнирде – сегиз майдал

А.З. Вологировну хурметине жораланып, грек-рим тутушуудан республикалы эришиу бардырылгъанды. Анга 2002-2005 жыллада туугъан жаш гёжефле къатышхандыла, аланы араларында Элбрус районну  Байзуллаланы Юсюпню атын жюрютген олимпиада резервли спорт школуну келечилери да болгъандыла.

Районну спортчулары юч алтын, юч кюмюш, эки да доммакъ майдал къытхандыла. Кеслерини ауурлукъ къауумларында Лукияланы Руслан, Моллаланы Масхут бла Бапиналаны Къурман хорлагъандыла. Экинчи жерлеге Жашууланы Хасан, Жеттейланы Алан, Чеченланы Амаль чыкъгъандыла. Ёзденланы Заурбек бла Макытланы Алим ючюнчюле болгъандыла. Аланы тренерле Локияланы Юрий, Чеченланы Артур, Хапаланы Аслан, Ачабайланы Музафар, Балаланы Алим, Этезланы Ибрагим юйретедиле.

Анатолий ТЕМИРОВ. Суратда: гёжефле тренерлери бла.
Поделиться: