Инсанланы тилеклери ыразы этилликди

Шабат кюн КъМР-ни Башчысы Казбек Коков инсанланы бла ыйыкъ сайын бардырыучу тюбешиуюн ётдюргенди.       

 Къабарты-Малкъарны оноучусу республикада жашагъанланы юйюрлеринде чекленнген онглары болгъан  эм къыйын аурууладан ауругъан сабийлени ата-аналары бла тюбешгенди. Сабийлени барысына да федерал медицина аралада  бийик технологиялы болушлукъ эм  юй болумлада саулукъларын сакъларгъа себеплик этген реабилитация оборудование керекди, нек дегенде, алгъын берилгенле  бузулгъандыла.

Андан сора да, Казбек Коков эллени суу бла жалчытыу, Нальчикде Толстой атлы орамда Миллет музейни тийресинде орналгъан кёп фатарлы бир юйню арбазын тапландырыу бла байламлы тилеклеге къарагъанды.                    

Тюбешиуледе айтылгъан битеу жарсыула бла байламлы республиканы Башчысы  тийишли къырал органланы таматаларына,  аланы тамамларгъа буюруула бергенди эм аланы толтурууларын Казбек Коков энчи эсепге алгъанды, деп билдиргендиле республиканы оноучусуну пресс-службасындан.

Бизни корр.

 

Поделиться: