Цифровизацияны уллу магъанасы барды

 Тырныауузну школгъа дери билим бериуню 5-чи номерли бёлюмюню эм 1-чи номерли лицейини «Энчи сабий» арасыны педагоглары «Сабийликни университети» къурагъан регионла аралы семинар-практикумгъа къатышхандыла, ол «Рыбаков фонд» энчи иели организацияны башламчылыгъы бла бардырылгъанды. Семинар «Регионлада инклюзив билим бериу: ресурсла эм сынам» деген темагъа жораланнганды, анда бусагъатда цифровизация болумлада школгъа дери жыл санда сабийлени усталыкъла сайлатыуда сынам кёргюзтюлгенди. Мастер-класслада ачыкъланнганыча, цифра билим бериу системаны къурау гитчелени айнытыуда бютюн уллу онгла береди.

  Устазла сабийле бла илму-излем ишни бардыргъандыла, аутизмлери болгъан балаланы юйретиуде бусагъатдагъы цифра технологияланы хайырланыуну эсеплерин чыгъаргъандыла. Ала мектепге дери билим бериу учреждениялада юйретиуге шёндюгю технологияланы сингдириу, бютюнда «энчи» сабийлени окъутууда, юйюр бла садны бирге ишлеулеринде уллу магъананы тутарыгъын белгилегендиле.

 

Анатолий ТАЛАЕВ.
Поделиться: