Тамата тёлюге сый бере

Озгъан шабат кюнде  Элбрус районну администрациясыны  Жаш тёлю политика жаны бла бёлюмю къурап   субботник бардырылгъанды. Анга 5-чи номерли гимназияны окъуучулары, колледжни студентлери - саулай да жыйырмадан артыкъ волонтёр къатышхандыла. Ала Уллу Ата журт урушда  жоюлгъанланы эсгертмелерини  тийрелерин кир-кипчикден  тазалагъандыла эмда  тап халгъа келтиргендиле.

Акцияны баш магъанасы -бизни насыплы жашауубуз ючюн жанларын, къанларын аямагъан  тамата тёлюге сый бериргеди.  Быллай субботникле районну хар элинде да  жаз башында бла жайда  жыл сайын ётедиле.