«Элбрусну кубогундан» - 27 майдал

Нальчикде тхэквондону олимпиада тюрлюсюнден «Элбрусну кубогу» деген эришиу къуралгъанды, анда хорлагъанлагъа спортну устасы деген ат берилгенди.

Турнир юч кюнню ичинде бардырылгъанды. Республиканы спортчулары анда 27 майдал къытхандыла, аладан 11 – алтындыла. Алай бла кеслерини ауурлукъ къауумларында биринчи жерлеге чыкъгъанланы араларында Элина Тхамокова, Милана Бекулова, Бёзюланы Алий, Ахметланы Нурмухамед, Гусейнланы Дамир, Кантемир Бицуев бардыла. Аланы тренерле Ахметланы Амир, Тикаланы Индрис, Беслан Хараев, Ялдар Кугхондоко, Станислав Хан эм башхала юйретедиле.

Бу турнирни чегинде дагъыда сабийлени араларында эришиу болгъанды, алагъа 35 региондан спортчула къатышхандыла. Гитче тхэквондочуларыбыз 16 майдал къытхандыла, бу кёрюмдю бла ала битеукоманда эсепде биринчи жерни алгъандыла. Экинчи жерге Санкт-Петербургну къаууму, ючюнчюге уа Дагъыстанны келечилери чыкъгъандыла.