Республиканы спортчулары – эм кючлюлени санында

Волгоградда каратени киокусинкай тюрлюсюнден СКФО-ну биринчилиги бардырылгъанды.

Анда Къабарты-Малкъарны жыйымдыкъ командасы жетишимли болгъанды. Кеслерини ауурлукъ къауумларында Къурманланы Хаджимурат бла Роман Ким хорлагъандыла. Дамира Тхазаплижева, Салим Тлемахов, Къарачайланы Кантемир, Алихан Сижажаев, Махийланы Ахмат, Темирчиланы Ислам, Аслан Шаов кюмюш майдалла бла къайтхандыла. Багъатырланы Ахмедхан, Самира Махова, Азамат Вороков, Магомед Тхагалегов ючюнчюле болгъандыла.

Спортчуланы тренерле Аппайланы Акъболат, Насыплыланы Тахир, Мурат Захохов юйретедиле.