Тилеклеге тынгылагъанды, тийишли буйрукъла бергенди

Черек районну администрациясыны башчысы Къулбайланы Алан анга жарсыулары бла келген эллиле бла тюбешгенди, алагъа тынгылап, тийишли буйрукъла бергенди.

Районда жашагъанла  анга кёп тюрлю  къайгъылары, жарсыулары бла да келгендиле. Аланы араларында  жашау болумларын игилендирирге себеплик этерин тилегенле да бар эдиле. Аланы барысына да тынгылап, район башчы бир-бир тилеклени бла тарыгъыуланы тийишли  жерлеге бергенди эмда къысха заманны ичинде ала тамамланыллыкъларыны бла къалгъанларыны юсюнден билдириллигине да ышандыргъанды, деп билдиргенди  Черек районну администрациясыны пресс-службасыны башчысы Бёзюланы Залина.