Жолла кенгертилгендиле, къоркъуусуз болгъандыла

26 ноября, 2021 - 14:28

Бу кюнледе «Кавказ» Р-217 федерал жолну «Эски Черек - Аргудан» кесегини 13 километр чакълы биринде тёрт ыз тартылырча  мадарла этиле турадыла. Аны бла бирге аварияланы санын азайтыр мурат бла жолну ортасы бла  буруу да тартылады. Аны юсюнден бизге Росавтодорну автомашина жоллагъа къарагъан «Кавказ»  управлениясыны пресс-службасындан билдиргендиле.

Бюгюнлюкде жолда ахыр жумушла тамамланадыла эм  транспорт да тыйгъычсыз жюрюрча мадар этилгенди.  Объект  быйылны ахырына битерге  керекди.

Эсге сала айтсакъ: кёп болмай  Куба-Таба бла Дыгулыбгей эллени арасында жолну  да  20,5 километри чакълы бирине ортасы бла буруу тартылгъанды. Аны бла бирге ол экиден тёрт ызгъа  кенгертилгенди.

Бизни корр.
  • 13 просмотров
Поделиться: