Сёз Шимал Кавказны айнытыуну юсюнден баргъандыКъМР-ни Башчысы Казбек Коков РФ-ни Правительствосуну Председатели Михаил Мишустин бардыргъан жыйылыугъа къатышханды. Анда Шимал -Кавказ федерал округну экономикасын айнытыу бла байламлы юлгюлерине къаралгъанды. Ол борчну Россей Федерацияны Президенти миллет муратлагъа жетиуде салгъанды. Жыйылыугъа РФ-ни Правительствосуну Председателини орунбасарлары Александр Новак, Марат Хуснуллин эм Дмитрий Чернышенко, федерал министерстволаны эм ведомстволаны оноучулары, ВКС амал бла СКФО-ну регионларыны башчылары эм правительстволарыны таматалары, бир къауум корпорацияланы бла биригиулени оноучулары къатышхандыла. Михаил Мишустин белгилегеннге кёре, РФ-ни экономиканы айнытыу министерствосу регионла бла бирге экономика айнытыуну юлгюлерин жарашдыргъанды. «Ол юлгюле хар регионнга да оноу этгенлеге мурдорча болургъа керекдиле, программаларын бла планларын къурагъанда, ала Россейни Президенти салгъан миллет муратлагъа жетиуге бурулупдула. Мурат болушургъады, бюгюнлюкде аллыбызда болгъан борчланы толтуруу бла 2030 жылгъа къаллай кёрюмдюле бла чыгъарыгъыбызны. Юлгюлеге шёндюгю демография болум эм ишчи жерлени кереклиликлери, ол санда эсепде турмай уруннганланы ол болумдан чыгъарыу да киреди. Андан сора да, саулай Шимал-Кавказ Федерал округда специалистлени къаллай бёлюмледе уруннганларына анализ барды. Хар регионда беш магъаналы соруу белгиленнгенди эм аллай бир да алгъа элтирик проект. Ала чыгъарылгъан товарланы эм жумушланы ёлчемин ёсдюрюрге танг себеплик этерикдиле, адамланы къолайларын игилендирликдиле, асламлы капиталгъа инвестицияланы келиулерине эм ёсюулерине къошуллукъду. Экономикада ишлегенлени саны да кёбейирикди. Битеу да 35 проект хазырланнганды, ала башда сагъынылгъан бёлюмледиле, аланы юсюнден айтханма. Ала туризм, эл мюлк, промышленность эм жашау журтла ишлеу», - дегенди М. Мишустин. Къабарты-Малкъар Республиканы экономикасын айнытыу юлгюсюне жыйылыуда кёргюзтюлгеннге кёре, 56 инвестиция проект киреди, аланы 2030 жылгъа дери тамамларгъа мурат барды. Проектлени асламысына туризм, агропромышленный комплекс, жашау журтла ишлеу, энергетика, информация технологияла киредиле.
Поделиться:
Читать также:
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
|