Маданият жаны бла ишлене тургъан къурулуш объектлеге къарагъандыла

Къабарты-Малкъарны Башчысы Казбек Коков республиканы культура министри Мухадин Кумахов бла маданият жаны бла ишлене тургъан объектлени юсюнден ишчи тюбешиу бардыргъанды. Ала «Культура» миллет проектни чеклеринде этиле тургъан къурулушланы сюзгендиле, деп билдиргендиле регионну оноучусуну пресс-службасыны келечилери.

Тюбешиуде къурулуш объектлени кёргюзтген  онлайн-системаны  сынагъандыла, аны хайырындан, ишчи жерден кетмей, республикада бардырыла тургъан асламлы къурулуш объектлеге  къараргъа онг чыкъгъанды. Къурулушланы сюзгенден сора, республиканы оноучусу бир ненча кемчилик жерни айтханды эм аланы тамамларгъа буюруула бергенди.

Казбек Коков белгилегенди, миллет проектлени бардырыу - жууаплы ишди, анга тохтамагъанлай контроль этгенлей турургъа керекди, аны бла байламлы, объектлеге къараргъа жюрюгенден сора да, видео амал бла кёрген онлайн-система кийирилгенди.