Электрокюч ючюн терс жерге тёлеп къоймагъыз

Быйыл биринчи августдан башлап электрокюч ючюн жаланда «Россети Шимал Кавказ» компанияны реквизитлери бла тёлерге керекди, деп билдиргендиле андан. Ары дери хайырланылгъан токну багъасын а «Каббалкэнергогъа» берирге керек эди.

Абонентлени лицевой счётларыны номерлери тюрленмегендиле, алай реквизитлеге уа иги да эс буруп къараргъа керекди. Ала келишмеселе, аны юсюнден компанияны бёлюмлеринден бирине барып айтмай боллукъ тюйюлдю.

«Сбербанк-Онлайн» программаны хайырланыучула, анда «филиал ПАО Россети Северный Кавказ-Каббалкэнерго» бёлюмге кирип тёлерге боллукъдула. Бу ишни дагъыда компанияны www.gp-lc.ru интернет-сайтында тамамларгъа онг барды. Токну эсеплеген приборну кёргюзтюулерин да ары кирип жиберирге боллукъсуз.