Борчлары - болушлукъ излеген адамлагъа деп жарашдырылгъан миллет проектлени къураугъа себеплик этиу

Россейни Пенсия фондунда Жамауат советни жыйылыуунда Социальный жалчытыуну бирикдирилген къырал информация системасын (ЕГИССО) айнытыуну амаллары сюзюлгендиле. 

Бу системаны къурауну баш мураты гражданлагъа бла власть органлагъа муниципал органладан башлап федерал даражагъа дери социальный къорууланыуну юсюнден информацияны жетдириу болгъанды. Къырал федерал проектлени  департаментини башчысы ЕГИССО-ны айнытыугъа жууаплы Елена Петина айтханнга кёре, Россейде социальный болушлукъну тапдырыуну юсюнден законодательствону тинтиу жаны бла, анга уа мингден аслам акт киреди, уллу иш бардырылгъанды. Система 2018 жылда ишлеп башлагъанды, анда гражданинни энчи кабинети, социальный калькулятор да бардыла. Аланы юслери бла адам къаллай социальный жумушланы алыргъа эркинлиги болгъанын кёраллыкъды.

Энди ЕГИССО-ну болушлугъу бла инсан керекли жумушну жалчытырча соруу бергенлей, ол битеу керекли сервислени кёргюзтюрча этерге белгиленеди.  

Былайда белгилерге тийишлиди – ЕГИССО болушлукъ излеген адамлагъа деп жарашдырылгъан миллет проектлени къураугъа да себеплик этерикди.  

 

Кульчаланы Зульфия.
Поделиться: