Тюрсюн бла качествону байламлыкълары

         Эм игилеге диета гаккыла саналадыла, аланы 7 кюнню ичинде хайырланыргъа керекди. Столовый гаккыланы уа 25 кюнню да тутаргъа жарайды, деп билдиреди Росптицесоюзну баш эксперти Людмила Карпенко.

         Ол ангылатханыча, гаккыланы -чи, 2-чи эм 3-чю къауумлагъа качестволарына угъай, ауурлукъларына кёре юлешедиле. 3-чю къауумдагъы гаккыланы жаш тауукъла табадыла – ала гитчерекдиле, татымлыдыла. 1-чи къауумдагъы уллу гаккыланы уа абаданыракъ  тауукъла табадыла.

         Мор тюрсюнлю гаккыланы юслеринден айтханда, алада йод акъладан эсе кёпдю. Къабукълары да къалыныракъды.

География – изленнген дерследен бири

         Быйыл 9-чу класслада ЕГЭ-де сайланып берилген экзаменлени араларында экинчи жерни география алады. Биринчи жерде естествознание барады, аны берирге окъуучуланы 56 проценти сюйгендиле. «Экономиканы бийик школу» миллет излем цниверситетни билим бериуню айнытыуну унститутуну башчысы Ирина Абанкинаны оюмуна кёре, аны сылтауу бу дерслени тынчлыкъларындады.

         Аладан дерсле ыйыкъгъа бир кере бардырыладыла, юйретилген материалны ёлчеми уллу тюйюлдю. География бла обществознанияда бирча темала аслам тюбейдиле, нек дегенде экинчисинде къыралланы юслеринден кёп айтылады. Сабийлени къаууму 9-чу классдан сора орта усталыкъ билим берген учреждениялагъа окъургъа киредиле, аны ючюн быллай сайлау алагъа экзаменлени тынчыракъ этеди. ЕГЭ-де уа кёпле физика бла информатиканы бередиле, ол алагъа артда профильли вузлагъа кирирге себеплик болады.