Тюз да эркинлик берилгенлей…

Халкъыбыз кёчюрюлгенде, кёп адамыбыз шахарладан,уллу элледен окъуна узакъ жерлеге тюшгендиле. Сора ол орналгъан жерлеринден комендант эркин этмей чыгъаргъа  онглары болмагъаны ючюн, таулула ал кезиуде сабийлерин окъуталмагъандыла. Алай окъутургъа уа бек адыргы этгендиле. Халкъгъа къажау политика аз да жумушагъанлай, таулу сабийчикле школгъа жюрюп башлайдыла. Школла он-онбеш кило¬метр эм андан да узакъ болгъанларына, ачлыкъ, жаланнгачлыкъ къыйнагъанларына да къарамай, ала окъургъа, билим алыргъа кюрешгендиле. Бийик окъуу юйлеге кирирге эркинлик берилгенлей а, кёпле ары жан атадыла. Анда да айырмалы окъуулары, ариу къылыкълары бла да атларын айтдырадыла.

Бюгюн биз сизни  1956 жылда Алма-Ата шахарны бийик окьуу юйлеринде окъугъан малкъарлы эм къарачайлы студентлени бир къауумуну сураты бла шагъырей этерге сюебиз. Аны бизге Чегем шахарда жашап тургъан Жарашууланы Исхакъ келтиргенди. Ол кеси да бу суратдагъы студентлени арасындады. Ата журтха кёчюп келгенден сора Исхакъ кёп жылланы Хушто-Сыртны колхозуну председатели болуп ишлегенди. Артда Чегем шахарда эл мюлкню техни¬ка бла жалчытхан управлениягъа башчылыкъ этип тургъанды.

Бу суратда адамланы тукъумлары иги кёрюнмегенлери себепли, биз аланы жазып алгъанбыз. Анга абадан тёлю эм жаш адамла да уллу эс бурурла, ким биледи, таныгъан адамлары да чыгъар  деген мурат бла: Салпагъарланы А.С., Татаркъулланы А.О., Сарыланы О.Т., Эфендиланы А.М., Биджиланы Б.А., Боташланы Ш.Б., Чотчаланы X., Таукенланы М.Т., Текеланы Э.М., Байчорланы Д.Д., Элеккуланы А.Л., Афашокъланы К.М., Байрамукъланы И.К., Тамбийланы М.Х., Жашакъуланы С.Х., Аккыланы Д., Кантланы X., Кипкеланы А.Х., Хасанланы А.И., Жаппуланы К.А., Будайланы И.А., Хапаланы М.Х., Акъбайланы М.Ш., Жарашууланы И.Н., Жашаккуланы А.З., Касайланы И., Аппайланы Р.Х., Толубайланы Б.Х., Къойчуланы А., Жанболатланы Х.М., Эркенланы Н., Боташланы К.Н., Курданланы X X., Бекбайланы Х.А., Къочкъарланы М.Х.