Дарман салдыргъаннга сертификатны тюрсюню къабыл этилгенди

Быйылгъы  жылда 8 ноябрьден тебиреп сертификатда коронавирусха къажау дарман салдыргъанды деген билдириуден сора да, COVID-19  ауругъан адамны юсюнден толу хапар, 2022 жылда  биринчи мартдан башлап вакцинация этерге жарамагъаныны юсюнден медицина жаны бла жазыула да боллукъдула.

 Ол сертификат Россейни Саулукъ сакълау министерствосу 2021 жылда 22 октябрьде чыгъаргъан 1006н номерли буйрукъгъа кёре, къабыл этилгенди. Анда коронавирусха къажау вакцинацияны ётгенини, дарман салдырыргъа жарарыгъыны бла жарамагъаныны  эм ол ауруудан ауругъаныны юсюнден толу информация барды.

Ол сертификатда дагъыда адамны тукъуму, аты, атасыны аты, туугъан кюню, эр киши, неда тиширыу болгъаныны, жашагъан жерини эм паспортунда жазыула, СНИЛС-ни эм ОМС-ни номери, къачан бергенлерини кюню жазылады.  Андан сора да, сертификатда билдириуле жазаргъа жерле бардыла:

– дарман  салдырыуну эм коронавирусха къажау ревакцинацияны юсюнден,  энчи информация арадан дарманны къачан салдыргъаныны, къаллай дарман этилгенини, къайда чыгъарылгъаныны, сериясыны эм медицина организацияны юсюнден.

– вакцинациягъа къажау дарманны салдырыргъа жарамагъаныны юсюнден медицина жазыула (аланы тюрлюлери, болжалы эм  медицина жаны бла къаллай чекле салыннганлары). Быллай билдириуле сертификатха 2022 жылда 1 мартдан тебиреп кийирилликдиле;

 - коронавирусну хатасындан къаллай ауруудан ауругъаныны юсюнден (энчи информация ресурсда коронавирусдан ауругъанына  журналда этилген жазыуланы юсюнден номери, диагнозну къачан тохташдырылгъаны, не заманда иги  болгъаны, медицина организацияны аты).

Сертификат Госуслуги порталда орус эм ингилиз тилде тийишли билдириулени информация арагъа коронавирусну юсюнден кийиргенден сора, юч кюнню ичинде автомат халда къураллыкъды эм QR-коду боллукъду.

Сертификат алышындырылса, анда алгъын болгъан жазыула сакъланадыла.  Сертификатны МФЦда неда Госуслуги порталдан алыргъа боллукъду.

Бизни корр.