Табийгъатны юсюнден видеороликле

3 ноября, 2021 - 17:29

КъМР-ни Табийгъат байлыкъла эмда экология министерствосу «Бизни Табийгъат!» деген конкурс къурагъанды. Ол 8 ноябрьде башланып, 8 декабрьге дери бардырыллыкъды. Аны эсеплери 14 декабрьде чыгъарыллыкъдыла, хорлагъанланы видеороликлери да ол кюн кёргюзтюллюкдюле.

Конкурс экология культура къурар, тёгерекдеги къудуретге сейир къозгъар хыйсап бла бардырылады. Анга онтёрт жылы толгъан хар инсан да къатышыргъа эркинди. Аладан министерство социал магъаналы эмда табийгъатха жораланнган видеороликле неда сценарийле сакълайды.

Толу информацияны министерствону https://minprirod.kbr.ru сайтында табарыкъсыз. Соруулары болгъанла бу телефон номерлеге сёлешсинле: 8(8662) 74-08-99; 74-06-01.

 

 

Омарланы Мурат.
  • 13 просмотров
Поделиться: