Тёбен Черекде жолну жангыртадыла

Урван районда Нарткъала – Озрек – Эски Урух автомашина жолну он километрлик кесегине тынгылы ремонт этиле турады. Ишле «Регион, муниципал аралы эмда жер-жерли магъаналы жолланы айнытыугъа себеплик этиу» деген энчи программаны чеклеринде барадыла.

Подряд организацияны специалистлери эски асфальтны къырып кетерликдиле. Ызы бла жер чёкген жерлени тюзетип, жангыдан асфальт жаярыкъдыла. Аны бошагъандан сора уа жолну жанларын, башха жоллагъа къошулгъан жерлерин, хар несин да тап этерикдиле. Ишлени барын да бу айны ичинде тамамлап бошаргъа таукелдиле.