Оноула чыгъарылгъандыла, буйрукъла берилгендиле

Эльбрус районну администрациясыны башчысы Залийханланы Къаншаубийни башлыгъында муниципалитетни къыйын болумла эм от тюшюуден къоруулау жаны бла комиссиясыны кезиулю жыйылыуу ётгенди. Анга тюрлю-тюрлю ведомстволаны келечилери къатышхандыла. 

Кенгешде юч соруугъа къаралгъанды. Биринчиси суу эм ырхыла келиуню юсюнден эди. Экинчиси жаз башы эм жаз кезиуде от тюшюуден сакъланыуну амалла бла байламды эди. Ючюнчюсю уа къыйын табийгъат болумланы кезиуюнде халкъ бугъарча белгиленнген  жерлени тинтиу. 

Комиссия бир къауум оноу да чыгъаргъанды. Аны келечилерине ачыкъланнган кемчиликлени кетерирге деп буюрулгъанды. Андан сора да адамла эслирек болурча информация ишни да тири бардырыргъа деп тохташдырылгъанды. Бир тюрлю тапсыз болумну юсюнден билдириуден сора кеслерин къалай жюрютюрге кереклисин да ангылатыргъа керек боллукъду. 

 

Алиса Тарим, Эльбрус районну администрациясыны пресс-секретари.
Поделиться: