Кир-кипчикни айырып жыяр амал болурчаРФ-ни Правительствосуну Председатели Михаил Мишустин къол салгъан бегимге тийишлиликде кир-кипчикни айырып жыяргъа жараулу орунланы сатып алырча 46 регионнга битеу да бир миллиард сом берилликди. Бу жаны бла этиллик мадарланы хайырындан бизни къыралда коммунал къалгъан-къулгъанланы битеу тюрлюлерин 2030 жылда айырып, жарашдырып башларгъа умут этиледи. Шёндю уа ахча жибериллик регионланы санында Къабарты-Малкъар да барды, дегендиле республиканы Къурулуш эмда жашау журт-коммунал мюлк министерствосунда. «Бизге жетген субсидияны ёлчеми 63,9 миллион сомду. Биз анга 3587 контейнер сатып алыргъа умут этебиз. Ала орнатылгъанлары бла кир-кипчикни айырып жарашдырыу айнырыгъына, элледе бла шахарлада санитария жаны бла болум игилениригине да ышанабыз», - дегенди министр Алим Бербеков.
Поделиться:
Читать также:
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
21.03.2024 - 09:35 →
Автовокзалны шахардан тышына чыгъарлыкъдыла
|