Жангы тюрлениуле

Мардала, излемле да тюрленедиле

Май районну прокуратурасындан билдиргенлерича, быйыл биринчи сентябрьден башлап жукъгъан аурууладан сакъланыуну санитар-эпидемиология излемлери тюрленедиле, жангы жорукъла эмда мардала кийириледиле (Роспотребнадзорну «Жукъгъан аурууладан сакъланыуну санитар-эпидемиология жаны бла баш магъаналыгъа саналгъан излемлени юсюнден» 2021 жылда 27 сентябрьде чыгъарылгъан оноууна тийишлиликде).

Жангы жорукълагъа жукъгъан аурууланы профилактикасы жаны бла алгъын да жюрютюлюп тургъан 58-си киргенди. Ала асламысында терминологияны бла законодательствону бирге келишдириу, уулу биология затла бла ишлегенде, къоркъуусузлукъну жалчытыу, бир-бир инфекцияланы жайылыуларына жол бермеу жаны бла мадарла этиу эмда РФ-ни жерин жукъгъан аурууладан къоруулауну излемлерини ёлчемин тап халгъа келтириу бла байламлыдыла.

Аскерге чакъырылгъанланы эслерине

Аскерде къуллукъ этерге борчлу болууну эмда аскер къуллукъну бардырыуну юсюнден» Федерал законну 5.1-чи статьясына кийирилген тюрлениулеге кёре, аскерге чакъырыллыкъ, алай аны арт болжалгъа салырча сылтаулары неда аскерге алынмай къалыргъа эркинлиги болгъан адам медицина тинтиуледен ётмезге эркинди. Ол саулугъун жаланда кеси ыразылыгъы бла тинтдирирге боллукъду.

Аскерге алынмай къалыргъа неда ол жумушну арт болжалгъа салыргъа эркинликлерин хайырланыргъа унамагъанла, алгъын саулукълары осал болуп, аскер къуллукъгъа жараусузгъа саналгъанла уа медицина тинтиуледен башхалача ётедиле.

Бу Законну болумлары быйыл 6 июньда кючлерине киргендиле. 

Юсюпланы Галина хазырлагъанды.
Поделиться: