Борчларын толтуруугъа хазырлыкъларына бийик багъа

Россейни МВД-сыны Элбрус районда бёлюмюнде ачыкъ инструктаж бардырылгъанды. Ол орамлада, жамауат аслам жыйылгъан жерледе право низамны жалчытыуну игилендирир, ич ишле органланы ишине жамауатда иги оюмну къурар мурат бла бардырылгъанды.  Анга башчылыкъны  ОМВД-ны полициясыны башчысыны орунбасары полицияны майору Атмырзаланы  Батыр  этгенди. Инструктажгъа Элбрус районну администрациясыны таматасыны орунбасары Муаед Азубеков, бёлюмле жамауат советни келечиси Газаланы Зухура да къатышхандыла.

Полициячыланы тыш сыфатлары, связьны жалчытхан оборудованиялары тинтилгендиле, аланы удостоверенияларыны болумларына къаралгъанды. Энчи эс транспортну болумуна бурулгъанды.

Муаед Азубеков къарау бошалгъандан сора право низамны сакълаучуланы кеслерини борчларын толтуруугъа хазырлыкъларына иги багъа бергенди. Ол полициячыла жамауат низамны, инсанланы къоркъуусузлукъларын сакълауда магъаналы ишни толтургъанларын да айтханды.