Жангыртыу ишле къыстаудула

«Автомобиль  жолланы  айнытыугъа себеплик этиу» деген программагъа тийишлиликде  Урван муниципал районда Нарткъала-Озрек-Эски Урух жолну  жангыртыу ишле къыстау бардырыладыла.

Онбир километр узунлугъу болгъан жол Нарткъаладан чыкъгъан жерден башланып Мир орам бла Тёбен Черекге дери барады.  Проектге кёре,  къурулушчула  жолну кёчген жерлерин  тапландырлыкъдыла,  асфальт бетон саллыкъдыла, жол жанларында чыракъла жанарча этерикдиле.   Бу кюнледе  жол жанлары эмда жаяу жолла тапландырыладыла.

Къурулушчула объектни  жылны ахырына дери хайырланыргъа берирге  айтадыла, деп билдиргендиле бизге  КъМР-ни  Жол мюлк эмда транспорт министерствону пресс-службасындан.