Адыр-Сууда гитче электростанция ишленирикди РусГидро компанияны Шимал Кавказда энтта да юч гитче электростанция ишлерге мураты барды. Саулай алып айтханда, аланы кючлери 96 МВт жетерикди. Ала конкурсну эсеплерине кёре къыйматлы инвестиция проектлеча айырылгъандыла. Жангы объектлени къурулушу Къабарты-Малкъар, Чечен эм Дагъыстан республикалада бардырыллыкъды, ала 2027-2028 жыллада битерге керекдиле. Бизни республикада гитче гидростанция Огъары Бахсанда Адыр-Сууну боюнунда орналлыкъды. Аны кючю 23,2 МВт ток берирге жетерикди. Бу тийреде черек иги да тикден саркъгъаныны себебинден сууну, тёрт жюз метр бийикликден жиберип, турбиналаны игирек бурдурургъа онг барды. Алай бла ол суу басымы бла Зарамаг ГЭС-ден сора экинчи боллукъду. Кеси да 2027 жылдан кеч къалмай ишлеп башларыкъды.
Поделиться:
Читать также:
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
| ||
