Регион жоллагъа энчи эс «Къоркъуусуз эм качестволу жолла» миллет проектни жашауда бардыра, Къабарты-Малкъар Республикада жашагъанланы жолда жюрюулерин къоркъуусуз этер ючюн кёп иш тамамланылады. Алай бла Терк эмда Май районладан адамла регион жолланы тапландырылгъанларын сезгендиле. Быйыл Май райондан Ново-Ивановское элге баргъан ара жолгъа толусунлай жангы асфальт салыннганды, Котляревская станицада ара орам эмда Майский шахарны жаны бла баргъан жолла да тапландырылгъандыла. Районда жашагъанла тынгылы эмда тап ишленнген жангы жолланы игиликлерине бийик багъа бергендиле. Терк районда да Плановское элге баргъан эмда Терекни жаны бла озгъан жолланы тап этгендиле. Бу кюнледе Огъары Курп эмда Инаркой эллеге баргъан жоллада къурулуш ишле ётедиле. Эсге салайыкъ, быйыл Къабарты-Малкъар Республикада кёп жолла жангыртыладыла, тапландырыладыла. Алай бла жылны эсеплерине кёре 100 километрден аслам регион жол игилендирилликди.
Поделиться:
Читать также:
24.04.2024 - 15:52 →
Заман да, къыйынлыкъ да сындырмагъан тёлю
24.04.2024 - 14:20 →
Хыйлачыла уллайгъанланы сайлайдыла
24.04.2024 - 12:46 →
Абаданла тынчлыкълы жашарча
24.04.2024 - 12:42 →
Халаллыкъды баш жорукъ
24.04.2024 - 09:00 →
Жангыртылгъан китапханагъа окъуучула сюйюп келедиле
| ||
