Ахчаны аз-аздан урлап тургъанды

62-жыллыкъ чегемли тиширыу сатып алгъан товар ючюн банк картасындан тёлерге  кюрешгенде, ахчасы жетмегени ачыкъланнганды.  Алай ол картасындан жукъ да алмагъанды, бир тюрлю тёлеуле этмегенди. Ол ахчасы тас болгъаныны юсюнден право низамны сакълаучулагъа тарыкъгъанды.

Тинтиуле бардырып, уголовный розыскны къуллукъчулары тишируну 25-жыллыкъ жууугъу аны телефонуна мобильный банк  салып, аз-аздан ахчаны кесине ашырып тургъаны ачыкъланнганды. Алай бла ол 53,2 минг сомну къолгъа этгенди.