Биринчи эришиулеринден – беш майдал

Республиканы Чегем шахарында, СССР-ни спортуну устасы, КъМР-ни физкультурасыны эм спортуну сыйлы ишчиси А.Н. Аджиевни хурметине аталып, грек-рим тутушуудан эришиу къуралгъанды. Анга Къабарты-Малкъардан, Къарачай-Черкесден, Ингушетиядан, Къалмыкъдан, Ставрополь крайдан, Москвадан бла Санкт-Петербургдан 2007-2010 жыллада туугъан 270 гёжеф къатышхандыла.

Тутушханланы араларында Элбрус районну спорт школундан спортчула да болгъандыла, аланы ичлеринде быллай эришиулеге биринчи кере къатышханла да аслам эдиле. Аладан экинчи жерге Гочияланы Абдурахман (28кг.) чыкъгъанды. Шауаланы Исса (26кг.), Отарланы Мурат (30кг.), Жашууланы Рустам бла Хутуйланы Алидар
(экиси да 32кг.) ючюнчюле болгъандыла.  Жашланы тренерле Чеченланы Артур, Толгъурланы Мухтар, Этезланы Ибрагим, ачабайланы Музафар юйретедиле.

Анатолий ТЕМИРОВ.
Поделиться: