Айырыуланы тийишли халда бардырылыуларына – энчи эс

Айырыулагъа къарау жаны бла штаб болгъан КъМР-ни Жамауат палатасыны майданында къол кётюрюуню бардырылыууна къарагъан жамауат ара ачылгъанды. Аны борчу айырыуланы тийишли халда озууларын жалчытыуду.

Къол кётюрюу ётген юч кюнню ичинде – 17, 18, 19 сентябрьде – айырыуладан трансляция бардырылады, эм Жамауат штабны келечилери онлайн халда къол кётюрюуню къалай ётгенин билгенлей турадыла. Ара участоклада эм жер-жерли айырыу комиссиялада болумну мониторингин этеди, айырыу комиссияла, СМИ-ле эм къараучула бла байламлыкъланы къурайды.

Жамауат палатаны председатели Хазратали Бердов билдиргенича, республиканы шахарларында бла районларында муниципал жамауат палатала бардыла, жорукъдан чыкъгъан болумла тюбеселе, ала терк халда эс бурадыла. КъМР-ни Жамауат палатасыныны аппаратыны таматасы Анна Дьяченко айтханнга кёре, къараучуланы дежурстволарыны графиги белгиленнгенди, ала аны 17 сентябрьден башлап тамамлайдыла эм айырыула баргъан юч кюнню ичинде ишлегенлей турлукъдула.

Айырыулагъа къарагъан жамауат штаб эм жамауат къарауланы арасы суткаланы ичинде ишлейдиле. Айырыу участкалада къол кётюрюулеге 710 бойсунууда болмагъан къараучу къарарыкъдыла.  Араны ишине регион Жамауат палатаны келечилери, КъМР-де Адамны эркинликлери жаны бла уполномоченный, жамуат къараучула, СМИ-лени келечилери, тохташдырылгъан заман болжалгъа кёре заявка берген айырыу эркинликлери болгъан инсанла, андан сора политика партияланы келечилери къошулургъа боллукъдула. 

Поделиться: