Михаил Акименкогъа къырал саугъа берилгенди КъМР-ни Башчысы Казбек Коков спортда бийик кёрюмдюле болдургъаны ючюн Олимпиада оюнлагъа къатышхан Михаил Акименкону Къабарты-Малкъар Республиканы Сыйлы грамотасы бла саугъалауну юсюнден указгъа къол салгъанды. КъМР-ни Правительствосуну Председателини распоряжениясына кёре, спортчугъа эм аны юйретиучюсюне ахча саугъа берирге оноу этилген эди. Михаил Акименко Россейни спортуну устасыды, Къабарты-Малкъар Республиканы жыйымдыкъ командаларыны спортчусуду, 2019 жылда бардырылгъан дунияны чемпионатында экинчи жерни алгъанды. 2019 жылда Михаил Акименко Россейни чемпиону болгъанды, биринчи сынауунда окъуна 2,31 метр бийикликни алып. Ол замандагъы жетишим, 23 жыллыкъ спортчуну энчи рекоду болгъанды. Спорт школгъа женгил атлетика бла кюреширге аны атасы келтирген эди. Акименко бир секцияда Мария Ласицкене бла юйреннгенди, аны тренери уа Артур Артамонов болгъанды. Бизни корр.
Поделиться:
Читать также:
16.04.2024 - 12:39 →
Биринчи поликлиника жылны экинчи жарымында хайырланыргъа берилликди
12.04.2024 - 08:57 →
Жаш адамлагъа – не жаны бла да онгла
11.04.2024 - 14:13 →
Нальчикде террорчулукъгъа къажау болум кетерилгенди
11.04.2024 - 09:26 →
Сотталаны Къурман инсанланы сорууларын сакълайды
10.04.2024 - 10:00 →
Къабарты-Малкъар Республиканы Башчысы К.В. Коковну Ораза байрам бла алгъышлауу
| ||
