Ипотека кредитлеге сурам уллуду

Къабарты-Малкъар Республикада жашау журтланы сатып алыргъа деп ёнкюч ахчаланы бериу бла кёрюмдюсю жылны аллындан 17, 1 процентге ёсгенди эм 1 августха ол сумма 24, 6 миллиард сом болгъанды, деп билдиреди КъМР-ни Экономиканы айнытыу министерствосуну пресс-службасы.  

«Жылны аллындан бери 2,9 минг ипотека кредит берилгенди, ол 61,3 процентге кёпдю, озгъан жылны жети айыны кёрюмдюсю бла тенглешдиргенде», - деп айтылады министерствону билдириуюнде.

Андан сора да, берилген ипотека кредитлени саны 2020 жылны январь-июль айы бла тенглешдиргенде, 73,2 процентге ёсгенди эм битеу да 6,7 миллиард сом болгъанды.

Къабарты-Малкъар Республика жылны аллындан бери берген ипотека кредитлени ёлчеми орта эсеп бла къыралны ичинде болгъан кёрюмдюден 62 процентге кёпдю. 

Жети айны ичинде  алыннган ипотека кредитлени орталыкъ жыллыкъ ставкасы 6,91 процент болгъанды, ортароссей ставка уа 7,29 процентди. 

 Бизни корр.