Почтада кассир иги кесек ахчаны къымгъанды

Россейни МВД-сыны «Баксанский» муниципалла аралы  бёлюмюню экономика къоркъуусузлукъну жалчытыу эмда коррупциягъа къажау кюреш бардыргъан къуллукъчулары почтада ишлеген кассир-оператор 65 минг сомну кеси хуржунуна ургъанын ачыкълагъандыла. Тинтиуле кёргюзтгенлерича,   Заюководан 30-жыллыкъ тиширыу  Бахсан районну почта бёлюмлеринде  халкъдан коммунал жумушла ючюн ахча жыйыу ючюн жууаплы болгъанды. Эки айны ичинде ол адамладан хакъны толусунлай алгъанды, квитанцияла да бергенди, ахчаны уа жаланда бир кесегин ётдюрюп къойгъанды, алай бла сегиз адамны алдагъанды. 
Къабарты-Малкъар Республикада МВД-ны дознание бёлюмю хыйлачы кассирге уголовный иш ачханды. Ол Россей Федерацияны УК-сыны 160-чы статьясыны 1-чи кесегине кёре (ахчаны къымыу неда жоюу) терсленеди. Аны иши Бахсан районну сюдюне жиберилгенди.