Таза суу бла сылтаусуз жалчытырчаБу кюнледе Александровская станицаны администрациясыны башламчылыгъы бла «Таза суу» федерал эм «Жашау журт эм шахар болум» миллет проектлеге кёре арбазланы ичер суу бла жалчытырча мадар этиледи. Аны чеклеринде 8,5 километр чакълы жерде уллу басымгъа, температуралагъа тёзген эм кёп заманны тозурамагъан полиэтилен быргъыла тартыладыла, бетондан къуюлада вентильле, от ёчюлтюучу гидрантла да жарашдырыладыла. Элни администрациясындан билдиргенлерича, жангы ызланы хайыры бла элни ючден бирин суу бла жалчытырча этерча боллукъду. Аны бла бирге Май районну администрациясыны болушлугъу бла жангы водозаборну къурулушун да башлар мурат барды. Бусагъатда бир къауум участокда тийишли ишле тамамланнгандыла. Керек материалла жетерча бардыла, подряд организацияны келечилери да тири къармашадыла. Эсге сала айтсакъ, быйыл «Таза суу» проектни чеклеринде республикада 63,5 километр чакълы участокда таза суу бла жалчытхан 19 объект ишленирикди эмда жангыртыллыкъды. График бла бар ишле да жылны ахырына бошалыргъа керекдиле.
Поделиться:
Читать также:
24.04.2024 - 16:43 →
Ангылатыу
24.04.2024 - 09:13 →
Халкъ бла байламлы магъаналы жумушха уллу кёллю болмайыкъ
23.04.2024 - 09:09 →
Миллетни къыраллыгъын белгилейди
19.04.2024 - 09:27 →
"Заманны" - хар таулу юйюрге
18.04.2024 - 10:03 →
Ата журтха сюймекликни кючлей
|