Мисирланы Исмайыл – Европаны чемпиону«Оренбуржье» спорт-маданият арада дзюдодан Европаны кубогу къуралгъанды. Анга Европаны бла Азияны 14 къыралындан 200-ге жууукъ спортчу къатышхандыла. Россейни келечилери анда 35 саугъа къытхандыла.
Исмайыл дзюдо бла 7 жылында кюрешип башлагъанды, биринчи аны тренер Замир Кушхаунов юйретгенди. Ючюнчю классха кёчгенинден сора хунерли спортчу усталыгъын Россейни сыйлы тренери, СССР-ни спортуну устасы Мухамед Емкужевни къолунда ёсдюргенди. Бюгюнлюкде Мисир улу Краснодар крайда жашайды, жарауун да анда тренер Рамазан Нагоевде бардырады. Исмайыл Россейни бла Европаны биринчиликлеринде, Португалияны бла Австрияны кубокларында майдалла къытханды, спортну устасыды. Европаны кубогун алгъаны бла аны алгъыннгы тренери Мухамед Емкужев да алгъышлагъанды.
Поделиться:
Читать также:
19.04.2024 - 13:10 →
Тёзюмлю эм ышаннгылы къаячы
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
| ||
Даражалы эришиуде Къабарты-Малкъарны олимпиада резервли спорт школундан Мисирланы Исмайыл да тутушханды. Ол, 66 килограммгъа дери ауурлукъ къауумда эрише, тёрт сермеш бардыргъанды. Ахырында ол Къазахстандан Токтар Умуталиев бла тюбешгенди. Къошакъ заманда Исмайыл аны инбашларындан аудуруп хорлагъанды.