Казбек Коков республиканы айнытыу моделин хазырлау бла байламлы жыйылыу бардыргъанды

КъМР-ни Башчысы Казбек Коков республиканы 2030 жылгъа дери айнытыу моделин хазырлау бла байламлы ишчи кенгеш бардыргъанды, деп билдиргендиле регионну оноучусуну пресс-службасындан.

Жыйылыугъа республиканы энономика айнытыу министри Рахайланы Борис, аны орунбасарлары Темиркан Баждугов бла Хусен Тимижев къатышхандыла. Анда республиканы айнытыу моделин хазырлау бла байламлы соруула сюзюлгендиле, «Демография», «Ишчи жерле къурау», «Инвестицияла» деген бёлюмле къалай айнырыкъларын кёргюзтюлген белюмлеге къаралгъанды.

Бу иш РФ-ни Правительствосуну Председатели Михаил Мишустин 15-чи июньда Пятигорск шахарда Правительстволу комиссияны Шимал-Кавказ федерал округуну социально-экономика айнытыууна жораланнган жыйылыуунда берген буйрукъларын толтуруу бла байламлы бардырылады. РФ-ни Экономика айнытыу министерствосу хазырлагъан методикагъа кёре, Шимал-Кавказ федерал округну регионлары бюгюнлюкге 2030 жылгъа дери республикалы айнытыу модельлерин хазырлап бошай турадыла, деп айтылады пресс-службаны билдириуюнде.

 

 

Поделиться: