Республика шахарлада болуму бла отузунчу жердеди

РФ-ни Къурулуш  министерствосу «Шахарда болумну игилендириу» деген программа жашауда къалай бардырылгъанын билир ючюн 35 регионда тинтиуле бардыргъанды. Ызы бла къуралгъан рейтингде Къабарты-Малкъар Республика отузунчу жерни алгъанды.

Къырал программа  кёп фатарлы юйлени арбазларын, паркланы, скверлени, фонтанланы эмда жамауат аслам болгъан башха жерлени игилендирир мурат бла бардырылады.

Рейтингни къурагъан экспертле жыйырма сегиз кёрюмдюге эс бургъандыла:  муниципалитетледе программа къалай ишлегенине, аны чеклеринде не зат этилгенине, анга неллай бир ахча къоратылгъанына, спонсорла,  башхала да къатышханларына, мадар этилген кезиуде къаллай бузукълукъла ачыкъланнганына эмда тамамланмай къалгъан ишлеге. Эм иги эсепле кёргюзтгенлеге 122 балл берилгенди. Бизни республика уа 48 балл алгъанды.

 

Поделиться: