Тёртжыллыкъны эм сакъланнган эришиую башланнгандыЯпонияны ара шахары Токиода къууанчлы халда XXXII Жай Олимпиада оюнла ачылгъандыла. Коронавирусну пандемиясы бла байламлы ол биринчи кере къараучула болмагъанлай ётгенди. Россейли спортчула анда къыралны олимпиада комитетини (ОКР) байрагъы бла Сан-Маринону спортчуларындан сора 77-чиле болуп чыкъгъандыла. Комитетни башчысы Станислав Поздняков билдиргеннге кёре, ачылыугъа командабыздан 80-ден кёп адамгъа къатышыргъа эркинлик берилмегенди. Командабызны белгисин фехтовальщица Софья Великая бла волейболчу Максим Михайлов элтгендиле. Жыйымдыкъ къауум 335 адамдан къуралгъанды. Арбитраж сюдню санкцияларыны хатасындан россейли спортчула Къыралны байрагъыны орунуна ОКР-ну байрагъы бла чыгъарыкъдыла. Сора ала хорлагъанда саугъалауну кезиуюнде къыралны гимнини орунуна Пётр Чайковскийни биринчи концертинден музыка эшитилирикди. Жай Олимпиадагъа бизни республикадан талай спортчула къатышырыкъдыла: женгил атлетле Мария Ласицкене бла Михаил Акименко, гёжефле Мусукаланы Исмайыл бла Рустам Ассакалов.
Поделиться:
Читать также:
23.04.2024 - 09:00 →
Махтаулу уланларыбыз
22.04.2024 - 14:54 →
«Жигитлени кезиую» - оноучуланы сайлайды
22.04.2024 - 12:17 →
Жерлерибизни тюз атларын сакъласакъ тюз болур эди
22.04.2024 - 12:01 →
«Сабийлени туугъан жерлерине, тилге сюймекликлерин ёсдюргенлей турабыз»
22.04.2024 - 11:58 →
Водительле изленедиле
|