Азау талада – вакцинация этген пункт

14 июля, 2021 - 16:55

Бу кюнледе республикада жашагъанлагъа эм  солугъанлагъа да тап болурча  Азау талада 2300 метрде къыралда эм  бийиклик жерде вакцинация этген пункт ачылгъанды.   

Белгилисича, Элбрус тау-лыжа курортну  кёпле жаратадыла  – лыжачыла, сноубордистле, альпинистле эм башхала. Европаны эм бийик тёппесине -  Минги таугъа - ёрлерге, тауланы тамашалыгъына къараргъа  сюймеген ким барды?
Пандемия бла байламлы эмда жангы коронавирусну терк жукъгъаныны хатасындан  туркластерде вакцинация бардыргъан пунктну ачылгъаны бек  магъаналы болгъанды.   Аны хатери бла  районда жашагъанладан тышында   къонакъланы саулукъларына да  сакъ болургъа болушурукъду.  Иммунизациядан сора адам COVID-19 ауруу жугъарына къоркъуусуз эркин солургъа  онг табарыкъды.

- Жангы пунктну ачылгъаныны баш сылтауларындан бири  районда саусузланы санына  къошулмазча мадар бла байламлыды.   Ол себепден кеч болгъунчу  жамауатны  тийишли прививканы ётерге чакъырабыз, дейдиле мында уруннган  медицина ишчиле да. 

Магометланы Сулейман.
  • 22 просмотра
Поделиться: