Жангы ызла тартыладыла, эскилери алышындырыладыла

Къабарты-Малкъарда «Ростелеком» компания былтыр къырал эм коммерциялы 330 объектни связьны жангы тюрлюсюне – оптикалы волокногъа кёчюргенди. Анга деп компания 75 километр чакълы  бирге жангы ыз  тартханды. Аны хайыры бла энди алада 100 мегабитлик   интернет боллукъду,  «Видеонаблюдение», «Телевидение» эм башха цифралы  жумушла  да чырмаусуз тамамланыллыкъдыла. Клиентлени арасында кёп функциялы араны бёлюмлери (МФЦ), Сбербанк, МВД, Росгвардия, Элбрусда къонакъ юйлени асламысы эм башха организацияла да бардыла.

- Биз телекоммуникация инфраструктураны кенгертгенбиз. Каналла иги ишлерча, связьны качествосу ёсерча план бла жангы ызла тартабыз эм эски сетьлени алышабыз. Оптика связь бютюн иги  тарифлени эмда сервислени хайырланыргъа онг береди, -  деп билдиргенди «Ростелекомну» КъМР-де бёлюмюню таматасы Барасби Машуков.