Жауунладан сора жоллада жангыртыу ишле бардырыладыла

10 июня, 2021 - 12:02

Къабарты-Малкъарны Транспорт эм жол мюлк министерствосундан билдиргенлерине кёре, ахыр кюнледе республикада сакъ жауунла кёп жаугъанлары ючюн суула 1000-1500 миллиметрге кётюрюлгендиле.

Урван черек кётюрюлюп, Нальчик-Майский автомобиль жолну Къара-Суу элни къатында кесегин, 18-19 километринде, суу басханды.

«Кавказ» автомагистральны Нартандан чыкъгъан жерин суу жыйылгъан канал толуп басханды.

  Вольный Аул-Хасания-Герпегеж жолну Хасанияда кесегинде тёртюнчю километрде жер юзюлгенди.

 Регионну жол службасыны специалистлери жауунла салгъан хатаны кетериуге киришгендиле. Сагъынылгъан жерледе тазалау ишле бардырылгъаны ючюн алайлада белгиле орнатылгъандыла.

 Нартанда орамны суу басхан кесегинде транспортну къайсы тюрлюсюню да жюрюуюне чек салыннганды.

Кульчаланы Зульфия.
  • 15 просмотров
Поделиться: